Наҕыл хаар
Создать свою песню
Уникальная песня за пару минут · первая бесплатно
Текст песни
Наҕыл хаар кыыдамныыр,
Сымнаҕас ньуур буолан тэлгэнэр,
Үрүҥ түү былааты санатан
Сылаастык эйиигин кууспахтыыр.
Кыһыҥҥы дьүрүлгэн чуумпуга.
Үөһэттэн ол түһэр көмнөххө
Тэлээрэр эдэркээн саастарым
Үтүөкэн күннэрэ көстөллөр.
Олоҕо өрүүтүн бу курдук
Намыын хаар үҥкүүтүн кэриэтэ
Сылааһа, сырдыга буоларын
Эдэркээн сүрэҕэ күүтэрэ.
Сороҕор сытыы тыал
Өрүтэ көтүтэн ылара,
Ардыгар чуумпуран налыйан
Чугастык сүрэҕэр кууһара.
Сылааска ууллубут кыырпахтыы
Сүрэҕэ тапталтан ууллара,
Тулата өрүүтүн ол күҥҥэ
Сырдыга, ырааһа, чуумпута.
Үрүҥ хаар, сырдык хаар,
Эн түһүүй наҕыллык тэлээрэн.
Эдэр саас үҥкүүтүн эргитэн,
Уостубат тапталы уруйдаан.