Тугилган кунга

Азизим, меҳрибон синглим Гулшан! 🌹 Бугун сенинг туғилган кунинг… Бугун мен учун ҳам алоҳида, қадрли кун. Чунки бу дунёга менинг жонимдек яқин, меҳрибон, ширин сўзли синглим келган кун. 🤍 Синглим, ҳаётда қанча яхши-ёмон кунларни кўрдик, қанча қувонч ва қийинчиликларни бирга ўтказдик. Баъзида айтолмаган дардларимиз, ичимизга ютган кўз ёшларимиз ҳам бўлди… Лекин ҳар қандай ҳолатда ҳам сен менинг синглимсан, жонимнинг бир бўлагисан. Сенинг қувончинг — менинг қувончим, сенинг кўнглинг оғриса — менинг ҳам юрагим оғрийди. Бугунги туғилган кунингда Аллоҳдан сен учун энг гўзал дуоларни сўрайман. Илоҳим, Солиҳон, Хадичахон, Муҳаммаджон ва ҳали дунёга келажак фарзандинг бахтига доимо соғ-саломат бўлгин. 🤲 Улар сенинг меҳрибонлигингни, онажонлик меҳрингни ҳис қилиб, сен билан фахрланиб ўсишсин. Фарзандларингнинг камолини, бахтини, роҳатини кўриб, уларнинг бахтига доимо бошинг омон бўлсин. Отажонинг онажонинг —  бахтига, барчамизнинг бахтимизга соғ-омон бўлгин, синглим. Бизга сен кераксан… Сенинг кулгинг, меҳринг, борлигинг керак. 💖 Биламан, ҳаёт сени ҳам синади, қалбингни оғритган кунлар бўлди. Балки кўпинча ўзингни кучли қилиб кўрсатдинг, аммо ичингда қанча дардлар бўлганини фақат Аллоҳ билар… Энди илоҳим, барча қийинчиликлар ортда қолсин. Сенинг кўзларингдан энди фақат бахт ёшлари оқсин. Олдингда фақат нурли, гўзал ва қувончли кунлар бўлсин. Азиз синглим, ҳеч қачон ўзингни ёлғиз ҳис қилма. Ҳаёт қандай синов бермасин, билиб қўй — опанг Нилуфар ҳамиша сен билан. Сенга суянадиган елка, йиғласанг кўз ёшингни артадиган инсон бўлиб, доимо ёнингда бўлишни Аллоҳдан сўрайман. Биз опа-сингилмиз — орамиздаги меҳрни на вақт, на масофа, на ҳаётнинг синовлари узолмайди. Сен менинг болалигим, хотираларим, юрагимнинг бир бўлагисан. 🤍 Туғилган кунинг муборак бўлсин, жоним синглим Гулшан! 🎂🌹 Илоҳим, умринг узун, ризқинг баракали, қалбинг хотиржам бўлсин. Фарзандларинг бахтига, ота-онамиз бахтига, биз опа-сингиллар бахтига доимо соғ-саломат, юзингдан кулгу аримай яшагин. Сени жуда ҳам яхши кўраман, синглим… Баъзида буни кўп айтмасам ҳам, юрагимда сенга бўлган меҳрим чексиз. Борлигинг учун раҳмат, синглим. Менинг синглим бўлганинг учун раҳмат… ❤️ Туғилган кунинг муборак бўлсин, жоним Гулшан! 🌷 Сени ҳамиша яхши кўрадиган ва дуода эслайдиган опажонинг — Нилуфар. 🤍